Qalmuhambet Nurmuhanuly Qasymov qyzmetinen ketti, dep habarlaıdy Qamshy.kz aqparat agenttigi.

Prezıdent Nursultan Nazarbaevtyń Jarlyǵymen  İshki ister mınıstri qyzmetin atqarǵan Qalmuhanbet Qasymov Elbasynyń kómekshisi - Qaýipsizdik keńesiniń hatshysy  qyzmetine taǵaıyndaldy. 

«Ol Qazaqstan Respýblıkasynyń İshki ister mınıstri qyzmetinen bosatylsyn», - delingen Memleket basshysynyń Jarlyǵynda. 

Qasymov Qalmuhanbet Nurmuhanbetuly 1957 jyly Almaty oblysy İle aýdanynyń Dmıtrıevka aýlynda dúnıege kelgen. Bilimi joǵary, 1979 jyly S.Kırov atyndaǵy Qazaq memlekettik ýnıversıtetiniń zań fakúltetin bitirgen, mamandyǵy - zańger. Polısıa general-polkovnıgi.

1979 jyldan bastap - tergeýshi, aǵa tergeýshi, tergeý bóliminiń bastyǵy, Almaty oblysy İİB İle aýdandyq ishki ister bólimi bastyǵynyń orynbasary.

1988 jyldan bastap - Almaty oblysy İİB-niń qoǵamdyq qaýipsizdik bólimi bastyǵynyń orynbasary.

1989 jyldan bastap - Almaty oblysy İİB Qapshaǵaı İİB-niń bastyǵy.

1992 jyldan bastap - Almaty oblysy İİB Krımınaldyq mılısıa basqarmasynyń bastyǵy, Almaty oblysy İİB bastyǵynyń birinshi orynbasary.

1997 jyldan bastap - Almaty qalasynyń ishki ister bas basqarmasynyń bastyǵy.

2003 jyldan bastap - Almaty oblysy ishki ister bas basqarmasynyń, İshki ister departamentiniń bastyǵy.

2005 jyldan bastap - Qazaqstan Respýblıkasynyń İshki ister mınıstriniń birinshi vıse-mınıstri, vıse-mınıstri.

2009 jyldan bastap - Shyǵys Qazaqstan oblysy İshki ister departamentiniń bastyǵy.

2011 jyldyń sáýir aıynan bastap qazirgi ýaqytqa deıin - Qazaqstan Respýblıkasynyń İshki ister mınıstri.

Memlekettik nagradalarmen nagradtalǵan:

İİ dárejeli «Danq» ordenimen, «Astana» medalimen, «Ulttyq qaýipsizdikti qamtamasyz etýdegi úlesi úshin», «Quqyq tártibin qamtamasyz etýde úzdik shyqqany úshin», «Qazaqstan Konstıtýsıasyna 10 jyl», «Qazaqstan Respýblıkasy ishki ister organdarynyń ardageri», «Qazaqstan Respýblıkasynyń Parlamentine 10 jyl» mereıtoılyq medaldarymen, «İİM-niń eńbek sińirgen qyzmetkeri» tósbelgisimen marapattalǵan.

Usynǵan: Nazerke Labıhan