Almatyda İlıas Kardyń soty bastaldy, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Sottalýshy İlıas Kar jol júrisi erejesin buzdy, abaısyzda úsh adamnyń qaza bolýyna sebepshi boldy jáne apat ornynan ketip qaldy dep aıyptalyp jatyr. (QR Qylmystyq kodeksiniń 345-babynyń 4-bóligi jáne 347-baby).

Eske salaıyq, jantúrshigerlik jol-kólik oqıǵasy ótken jyldyń 29 jeltoqsanynda bolǵan edi. Almatydaǵy Seıfýllın men Abaı dańǵyldarynyń qıylysynda Mercedes Gelandewagen avtomobıli Mitsubishi Galant kóligin soqqan. Soqqynyń saldarynan jeńil kólik joldyń qarsy betine shyǵyp ketip, bordúrge tirelgen. Keıinirek oqıǵanyń vıdeosy jarıalandy.

Jol apaty saldarynan Mitsubishi Galant júrgizýshisi men eki jolaýshysy qaza tapty. Qaıtys bolǵandardyń biri - aktrısa Sholpan Elgezekova. Taǵy bir aktrısa Aızada Satybaldıeva aýyr halde jansaqtaý bólimine túsken. 3 aqpanda ol aýrýhanadan shyqty.

Ýaqyt óte marqumdardyń biriniń týysy Aıdana Shaıahmetova saraptama qorytyndysy boıynsha Gelandewagen júrgizýshisi Ilás Kardyń ishimdik ishkeni rastalmaı otyrǵanyn málimdegen. Sondaı-aq, qujattarǵa sáıkes, ol polısıaǵa ózi kelgen delingen.

Alaıda polısıa bul málimetterdi joqqa shyǵardy - tergeý málimetinshe, jol apaty bolǵan jerden Ilás Kar mas kúıde jaıaý ketken. Ol bir táýlikten keıin ustalǵan.

Usynǵan: Nazerke Labıhan