QR Bilim jáne ǵylym eks-mınıstri Erlan Saǵadıev aldaǵy josparlarmen bólisti dep habarlaıdy Qamshy.kz aqparat agenttigi Tengrinews.kz saıtynyń deregine súıenip.

–Eń aldymen maǵan senim bildirgeni úshin Elbasyna alǵysymdy bildiremin. Úsh jyldyń ishinde birshama ózgersiter boldy. Kóptegen ister jasaldy. Jýyrda bir maqaladan oqyǵanym: istelgen nemese istelmegen máselelerge laıyqty túrde baǵa ber deıdi. Men osy úsh jyl aralyǵynda ózimmen birge jumys atqarǵan áriptesterime, sonymen qatar, Májilis pen Senat qyzmetkerlerine túsinistik pen qoldaý kórsetkeni úshin alǵysymdy bildirgim keledi. Bilim júıesi bul elimizdiń bolashaǵynyń qandaı bolaryn kórsetedi - dep málimdedi Erlan Saǵadıev.

Esterińizge sala ketsek, eks-mınıstr 1 maýsymda respýblıkada ótip jatqan balalar orkestiriniń sherýin atap ótken bolatyn.

«Ótken jyly bizdiń balalarymyzdyń qatysýymen maqtan tutatyndaı rýhty, keremet ári qyzyqty sherý ótti Munyń barlyǵy – balalardyń bolashaǵy úshin jasalyp jatqan is-áreketter», - dedi Saǵadıev.

Sonymen qatar, eks-mınıstr atalmysh balalar orkestiriniń bolashaqta odan ári damı túsetindigine senim bildirdi.

Al jańadan Bilim jáne ǵylym mınıstri atanǵan Kúlásh Shamshıdınovaǵa Erlan Saǵadıev «aqyldy, tájirıbesi mol ári tabysty eńbek etedi» dep baǵa berdi.

«Bilim berý júıesinde ol menen de joǵary nátıje bere alady dep senemin. Onyń bastaýy retinde búgingi tańda elimizdegi  mektepterdiń protatıpine aınalǵan Nazarbaev atyndaǵy ıntellektýaldyq mektep tur. Eger qajet bolǵan jaǵdaıda men kómektesýge árdaıym daıynmyn, degenmen qazirgi bilim jáne ǵylym mınıstrliginiń ujymy óte eńbekqor jáne keremet ıdeıa men ustanymdarmen jumys isteı alady dep oılaımyn» - dep senim bildirdi.

«Al men aldaǵy ýaqytta ózimniń jeke jumystarymmen aınalyspaqpyn. 2020 jyldyń qańtar aıynan bastap meniń Garvardtaǵy bitpeı qalǵan oqýym qaıta jalǵasyn tappaqshy. Al, ol ýaqytqa deıin úı sharýashylyǵy men mektepte oqıtyn balalarymnyń bolashaǵyna kóbirek kóńil bólýmen aınalysamyn», - dep eks-mınıstr Erlan Saǵadıev aldaǵy josparlarymen suhbatyn qorytyndylady.

Aýdarǵan: Farıza Jandar