1 jylda az qamtylǵan otbasylardyń 50 paıyzy baspanaǵa ıe bolady. Bul jaıynda SQO ákimi Qumar Aqsaqalov oblystyq ákimdiktiń otyrysynda málimdedi dep habarlaıdy Qamshy.kz aqparat agenttigi SQO ákimdiginiń baspasóz qyzmetine silteme jasap.

Kún tártibinde - «Nur Otan» sezinde Nursultan Nazarbaevtyń bergen tapsyrmalaryn oryndaý. 

Elbasy memleket áleýmettik saıasatty kúsheıte túsetinin aıtty. Kóp balaly jáne az qamtylǵan otbasylarǵa kómek basty nazarda bolady. Qazir oblysta 341 kóp balaly otbasy páter kezeginde tur. Onyń tek jartysy bıyl baspanaǵa ıe bolady.

«Bıyl 226 páterge shaqtalǵan 3 úı salamyz. Bir jyldyń ishinde otbasylardyń 50 paıyzyn baspanamen qamtımyz. Aýdan ákimderi ár otbasymen jumys istep, baspanaǵa zárý otbasylardy anyqtasyn», - dedi Qumar Aqsaqalov.  

Oblysta ataýly áleýmettik kómek alatyn otbasylardyń sany 2115 den 3225 otbasyǵa deıin óspek. Buǵan respýblıka qazynasynan 1,7 mlrd.teńge baǵyttalmaq. Ár balaǵa aı saıyn tólenetin qarjy 20 myń teńgege deıin ósti. Óńirde 6700 bala osy kómekke ıe bolmaq. Múgedek bala asyrap otyrǵan 2 myń otbasy úshin aı saıynǵy járdemaqy 30 paıyzǵa, ıaǵnı 31 myńnan 41 myń teńge deıin óspek. 

Kóp balaly otbasylarǵa 2-3 paıyzben páter beriledi. Jergilikti búdjet alǵashqy jarnanyń 10 paıyzyn óz moınyna almaq.

Jumyssyzdar men óz-ózin qamtamasyz etken azamattarǵa «Eńbek» baǵdarlamasy óz kómegin tıgizbek. Nesıelerge 2,8 mlrd.tg, granttarǵa 300 mln.tg bólinedi. Sóıtip, 1796 soltústikqazaqstandyq bıznespen aınalysa alady. Tipti úıde otyryp kásibin dóńgeletýge múmkindik týdy.

Usynǵan: Nazerke Labıhan