Qarajattyń jetispeýshiliginen adamdar túrli is-áreketke barady. Sol sekildi AQSH-ta bir áıel balalarynyń ash otyrǵanyna shydaı almaı dúkennen 5 jumyrtqany urlap alady, alaıda dúkennen kóp uzamaı-aq qolǵa túsedi. Bul jaıynda Qamshy.kz aqparat agenttigi Wake up your mind basylymyna silteme jasap habarlaıdy.
Oqıǵa ornyna dereý kelip jetken ofıser Ýılám Steısı áıeldiń oqıǵasyn tyńdap bolyp, ony tutqyndaýdyń ornyna kómektesýdi uıǵarypty.
Mıssıs Djonson eki qyzy, eki jıeni men 1 jáne 3 jastaǵy eki nemeresin baǵyp otyr jáne ol aıyna 120 dollar ǵana alady eken. Ótken aptada ony qaraqshylar tonap ketip, ózderi ash qalǵan. Senbi kúni nár tatpaǵandaryna eki kún bolǵandyqtan qolyndaǵy bar aqshasy – 1,25 dollarmen jaqyn mańdaǵy sýpermarketke baryp, jumyrtqa satyp almaq bolǵan.
Alaıda jumyrtqaǵa aqshasy jetpegendikten beseýin qaltasyna salyp alyp urlap alýdy oılaǵan. Birden qolǵa túsip, saldarynan jumyrtqalardy da jaryp alǵan Djonson: «Men ákki ury emes ekenmin...» dep aıtypty.
Dúkenniń qyzmetkerleri polısıa shaqyryp, istiń mán-jaıyn anyqtaýdy talap etipti. Ofıser Ýılám mıssıs Djonsonnyń qazir qandaı jaǵdaıda otyrǵanyn estip, ony tutqyndaýdan bas tartyp, úıine jibergen.
Keıinnen ofıser ol áıeldiń úıine kelip kórmek bolǵan. Bul otbasynyń áleýmettik jaǵdaıy qanshalyqty nashar ekendigin kórgen ofıser oǵan bir qorap jumyrtqa alyp beripti. Ertesine ózge áriptesterimen birlesip Djonsonnyń otbasyna biraz ýaqytqa deıin jetetin azyq-túlik ákeoip bergen.
Usynǵan: Nazerke Labıhan
