Memleket basshysy Aqordada "Kóktem shýaǵy" atty kezdesý uıymdastyryp, áıelder qaýymyn kele jatqan 8 naýryz – Halyqaralyq áıelder kúnimen quttyqtady.
Aqorda Instagram paraqshasynda jarıalanǵan vıdeonyń astynda Elbasymyzdyń kezdesýde salqyn tıgizip alǵan eki názik jandyǵa óz qolymen dári usynǵan.
7 naýryz "Aqorda" rezıdensıasynda memleket basshysy áıelder qaýymy ókilderimen "Kóktem shýaǵy" atty kezdesý ótkizgen bolatyn. Kezdesýge qatysqan názik jandylardyń ishinde ekeýiniń salqyn tıgizip alǵanyn baıqaǵan Elbasy óz qolymen dári usynyp, olarǵa zor densaýlyq tilep, tezirek saýyǵyp ketýine nıettestik bildirdi.
Elbasynyń qolynan dári ishken názik jandylar kim?
Natalá Ermolına — «Astana-Zelenstroı» AQ brıgadasynyń basshysy.
Mánshúk Mámbetova Qudaıbergenqyzy — Qazaq Ulttyq ýnıversıtetiniń kafedra meńgerýshisiniń orynbasary, alty balanyń anasy.
Ol 1999 jyly ál-Farabı atyndaǵy Qazaq ulttyq ýnıversıtetiniń fılologıa fakúltetin bakalavr akademıalyq dárejesi jáne «fılolog, qazaq tili men ádebıeti pániniń oqytýshysy» mamandyǵy boıynsha úzdik dıplommen, 2001 jyly osy fakúltettiń kúndizgi magıstratýra bólimin «Til teorıasy» mamandyǵy boıynsha úzdik dıplommen bitirgen. 2002-2004 jyldary jalpy til bilimi kafedrasynyń kúndizgi bólim aspırantýrasynda oqydy.
Ártúrli ǵylymı basylymdar men ǵylymı konferensıalar materıaldarynyń jınaqtarynda 50-den asa ǵylymı maqalasy jaryq kórdi. Sondaı-aq «Resmı-iskerı klıshe tulǵalar» atty 3 monografıa, «Til bilimine kirispe», «Tildik qatynas negizderi», «Qujattyq lıngvısıka» pánderi boıynsha 3 oqý-ádistemelik qural shyǵardy.
Usynǵan: Farıza Jomartqyzy
