Gresıanyń Afına qalasynyń azamaty Antonıos Mavropoloýs Efıopıada apatqa ushyraǵan ushaqqa eki mınýt keshigip qalǵan, sony arqasynda afınalyq er adam ólimnen aman qaldy, dep jazady Qamshy.kz aqparat agenttigi Greek Reporter basylymyna silteme jasap.

«Jolaýshylardyń ushaqqa otyryp jatqanyn kórdim. Meni bortqa jibermeı qoıǵanyna qatty ashýlanǵan edim», - deıdi Antonıos.

Ol reıske bar-joǵy eki mınýt qana keshikken eken, áýejaıda turǵanynda basqa adamdardyń ushaqqa kirip bara jatqanyn kórgen. Áýejaı qyzmetkerleri ony keshigip, júgin ótkizip úlgermegendikten ushaqqa jibermeı qoıǵan. Efıopıada ushaq apatqa ushyraǵannan keıin Antonıostyń bul ushaqqa otyrmaǵan jalǵyz jolaýshy ekendigi belgili boldy.

Aıta keteıik, 10 naýryz kúni tańǵy ýaqytta Boeing 737 ushaǵy apatqa ushyraǵan bolatyn, ushaq bortynda 157 adam bolǵan, onyń 8-i ekıpaj músheleri eken.

Usynǵan: Nazerke Labıhan