Qyrǵyzstan prezıdenti Saýranbaı Jıenbekov Qyrǵyzstan sotynyń Hİ sezi kezinde olarǵa Paıǵambarymyzdyń (s.ǵ.s.) bir hadısyn aıtyp berdi, dep jazady Qamshy.kz aqparat agenttigi 24.kg saıtynyń málimetine súıenip.

«Búgin sizderge sýdıalar týraly bir hadıs aıtyp bereıin. Ol hadıste jazylǵandaı, sýdıanyń úsh túri bolady, onyń ekeýi tozaqqa tússe, bireýi ǵana jumaqqa barady eken. Eger sýdıa ádil sheshim qabyldasa, onyń mekeni jumaq bolmaq. Al egershyndyqqa kóz jetkizbeı nemese qandaı da bir máseleniń mán-jaıyn anyqtamaı sheshim shyǵarsa, ondaı sýdıa tozaqtyq bolady», - dep aıtty Saýranbaı Jıenbekov.

Sıeze sóz alǵan prezıdent sýdıalardyń basty mindetin aıtyp berdi.

«Sizderdi qabyldaǵan sheshimderińizdi eshkim de ózgerte almaıdy, oǵan, tipti,  meniń de quziretim jetpeıdi. Osyny esten shyǵarmaýlaryńyz kerek, ómir qysqa, bárimiz de Jaratqannyń aldynda esep beretinimizdi umytpańyzdar», - dep aıtyp ótti Qyrǵyzstan prezıdenti.

Usynǵan: Nazerke Labıhan