Kileń teksiz, Ultymdy basyna ma,
Aramdyǵyn ishinde jasyra ma?
Kók Túriktiń anasy – UMAI ANA,
Umaı ana – tekti ana, asyl ana.

Qaıran Qazaq, o bastan dep armandar,
Armandańdar, eshkimge aldanbańdar.
Bilge qaǵan, Kúltegin - eren týǵan,
Kók Túriktiń baǵyna aınalǵandar!

...Bir kókbóri, sol uldy emizedi,
Bar Túrikke sol ǵana negiz edi.
Bizdiń arǵy anamyz sanalatyn,
Umaı Ana - o bastan «ózim» edi.

Synyǵy edi asyldyń taza ǵana,
Odan tarap shyǵypty Qazaq, ana.
Analardyń anasy - Umaı Ana,
Umaı ana - tekti ana, ǵajap ana!

Saıgez jebe - oqtatqan saǵaǵyna,
Oǵan kýá - bul uly dala myna.
Er Túriktiń sarbazy ol zamanda,
Ot oınatqan jalyndy janaryna.

«Táńir» depti, kórgender jeńisti aman,
Ulanbaıtaq Túrikter jer ustaǵan.
Jurt aıtady, kezinde Umaı Ana,
Umaı Ana - tizgindi teń ustaǵan.

Batyr Túrik, ses edi jaýlaryna,
Senimmenen qaraǵan aldaǵyǵa.
Barsha Túrik tusynda Umaı Ana,
Jetkendeı bir kez edi armanyna...

Uly baba, sózinen ot alasyń,
Kim synaǵan jigittiń soqa basyn,
Er Túrikter, ol tusta bılegendi,
Tynyq muhıt - Dýnaıdyń eki arasyn.

Er Túrigim, maqtanym, aıbarym da,
Oǵan túsken o bastan tańdaýym da.
Umaı Ana, Er Túrik, atoılaıdy,
Qazaǵymnyń búgingi armanynda...

Jumash Kenebaı