Jambyl oblysynyń Qordaı aýdanyndaǵy jantúrshigerlik apatqa kináli degen kúdikke avtobýs júrgizýshisi de ilikti. Ol eki aıǵa tergeý abaqtysyna qamaýǵa alyndy dep jazady Qamshy.kz aqparat agenttigi sputniknews.kz saıtynyń deregin negizge alyp. Bul týraly oblystyq polısıa departamenti Tergeý basqarmasy bastyǵynyń orynbasary aıtty.
"Sol kúni onyń QR Qylmystyq kodeksiniń 345-baby, 4-shi bóligi boıynsha is-áreketi saralanyp, aýdandyq sottyń qaýlysy negizinde 2 aı merzimge qamaqqa alyndy. Iaǵnı, kólik quralyn júrgizýshi "eki nemese odan kóp adamnyń ólimine ushtasqan jol qaǵıda erejelerin buzdy" degen kúdikke ilindi. Eger onyń is-áreketi sotta dáleldense, oǵan 10 jylǵa deıin bas bostandyǵynan aıyrý jazasy qoldanylýy múmkin", - deıdi Jambyl oblystyq polısıa departamenti tergeý basqarmasy bastyǵynyń orynbasary Jarasqan Aqberdıev.
Usynǵan: Ásel Bolatqyzy
