"Startap Bolashak: Meniń armanym" jobasyna qatysýshy jas kásipkerlerdi bıznesterin adal júrgizýge shaqyrdy dep jazady Qamshy.kz aqparat agenttigi.
Qyzylorda qalasynda "Startap Bolashak: Meniń armanym" jobasyna qatysýshy jas kásipkerler men bızneste baǵyn synaǵysy keletin jastardy sybaılas jemqorlyqpen birlesip kúresýge shaqyrdy.
"Startap Bolashak: Meniń armanym" jobasy – bul jastar kásipkerligin qoldaýǵa arnalǵan bıznes-jobalar baıqaýy. Baıqaýdyń maqsaty – jastardy kásipkerlikke baýlý jáne ózgelermen básekege túsý.
«Bıznes-Start» ortalyǵy uıymdastyrǵan aımaqtyq baıqaýǵa jas kásipkerlerge baǵyt-baǵdar berý úshin kásipkerlik salasyndaǵy quzyrly mekemelermen qatar QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń qyzmetkerleri de qatysty.
«Bıznesti júrgizý barysynda sybaılas jemqorlyqqa jol bermeı, ózderiniń kásipterine adal bolyp, jasalǵan kelisim-sharttarǵa sáıkes sapaly qyzmet kórsetý bıznes sýbektilerin de baılanysty. Sybaılas jemqorlyqtyń aldyn alý úshin kez-kelgen jeke nemese zańdy tulǵa elimizdegi zańdylyqtardy qatań ustanýy tıis. Baıqaýǵa qatysýshy jas kásipkerlerden sybaılas jemqorlyq kórinisterine múldem jol bermeýdi suraımyn. Jas kásip ıelerine aıtarym, ótken jyldan bastap Agenttiktiń bastamasymen «Rrotecting business and investments» jobasy júzege asyrylýda. Joba aıasynda quny 595 mlrd. teńgeni quraıtyn 15 ınvestısıalyq joba sybaılas jemqorlyqqa qarsy súıemeldeýge alyndy. Investorlar men kásipkerlerden 36 ótinish tústi. Ótinishterdi qaraý nátıjesimen kásipkerlerdiń zańdy quqyqtary men múddelerine nuqsan keltirip, kedergi jasaǵany úshin 5 laýazymdy tulǵa tártiptik jaýapkershilikke tartylsa, memlekettik kirister organynyń 1 qyzmetkeri kásipkerge qamqorshylyq jasaý maqsatynda para alǵany úshin qylmystyq jaýapkershilikke tartyldy. Kez-kelgen bıznes sýbektisi túrli ákimshilik kedergiler men búrokrattyq is-áreketter týraly bizdiń departamentke habarlasýyna bolady. Kásipkerlerdiń quqyqtaryn qorǵap, jobalaryn antıkorrýpsıalyq súıemeldeýge alamyz», - dedi Departament basshysynyń orynbasary Berikbol Baıhojaev.
"Startap Bolashak: Meniń armanym" baıqaýynyń aımaqtyq kezeńinde sátti qorǵalǵan jobalar shırek fınalda Shymkent qalasynda, jartylaı fınal men aqtyq fınal "Nur-Sultan" qalasynda televızıalyq formatta realıtı shoý kúıinde túsiriletin bolady. Baıqaý fınalısteri óz jobalaryna ınvestısıa bóldirtýge úlken múmkindik alatyn bolady.
Usynǵan: Ásel Bolatqyzy
