Partıban túrli sala boıynsha bilim alyp, ataqqa ıe bolǵan. Ol Chennaı qalasyndaǵy túrli kolejde 100-den asa pánnen sabaq beredi. Er adam quqyq, komersıa, óner, bıznes jáne basqa da salalarda magıstr atanǵan dep habarlaıdy Qamshy.kz aqparat agenttigi Stan.kz saıtyna silteme jasap. 

50 jastaǵy profesor únemi jańa nárseni meńgerip, bilýge qumartyp turatynyn aıtady. Ol kolejde alǵashqy ǵylymı ataǵyna qol jetkizgende, óziniń berekesiz bolǵanyn atap ótti. Emtıhanǵa daıyndalyp jatqan kezde basqa pánderdi qatar meńgerip, oıy bólinip, aqyry synaqtan óte almaǵan eken. Ony ýnıversıtette oqytylatyn páder men ǵylym salalary qyzyqtyrǵan. Sondyqtan Partıban ýnıversıtetke qaıtyp kelip, ekinshi ǵylymı ataǵyn alady. Artynsha úshinshisin. Sodan soń taǵy 142-sin.

Partıban kóbine birneshe kýrsty qatar oqıdy. 

"Sońǵy 30 jylda únemi emtıhanǵa daıyndalyp, jańa dıplom alýmen júremin. Ár jeksenbi saıyn emtıhan tapsyramyn nemese zertteý jumysyn jazamyn", - deıdi ol. 

Alaıda munyń teris jaǵy da bar. Partıban adamdardyń túrin jáne joldy jattaı almaıdy. Ol kúnde bir baǵyt boıynsha júrse de, aınalasyndaǵylardan jol suraýǵa májbúr.

"Men sanamdy ózime qajetsiz zattarmen toltyrmaımyn", - deıdi Partıban. 

Sondaı-aq, túrli kolejde 100-den asa  pánnen sabaq berý de ońaıǵa soqpaıdy. Keıde profesor aýdıtorıaǵa baryp, neni úıretýi kerek ekenin umytyp qalatyn kórinedi.

Usynǵan: Ádilet Mádenıet