Óskemende kemshilikterdi kózbe-kóz, oqıǵa ornyna baryp turyp synap aıtatyn erekshe aqyn paıda boldy dep habarlaıdy Qamshy.kz aqparat agenttigi altaynews.kz saıtyna silteme jasap.

Áleýmettik jelilerde ózin «Aqynkeldi» degen atpen tanystyrǵan Aıan Qalymbek esimdi jigit budan bylaı qoǵamdaǵy kózge uryp turǵan kemshilikterdi osyndaı jolmen qalyń kópshilikke jetkizgisi keletinin aıtady.

Qolyna dombyra ustaǵan ol Óskemen vokzalyna kelip, ǵımarattyń  eski jáne sánsiz ekendigin aıta kele perronnyń joqtyǵyn jyrǵa qosyp:

Óskemen shyǵystaǵy gúldi  qala,

Al myna   vokzal bolǵan  túrdi qara.

Poıyzǵa minetuǵyn perrony joq,

Basshylar bir paıdaly is tyndyra ma?

Vagonnyń bıgine órmelegen,

Qarıalar jambastaryn syndyra ma?

Qoıyp qoıǵan, oryndyq shelegi ne?

Mundaı jerge týrıser keledi me?

Vokzal degen qalanyń bet beınesi,

Mundaı soraqylyqtyń sebebi ne?

 Jolaýshy men qonaqtan uıat boldy aý,

Basshylar qulaq salǵyn óleńime... dep jyrlaıdy.

Aqynkeldi aldaǵy ýaqytta da ǵaıyptan paıda bolyp aıtyp-aıtyp ketetin áleýmettik jelilerdegi shyǵarmashylyǵyn jalǵastyra bermekshi.

Usynǵan: Maqpal Sembaı