27-28 sáýir kúnderi Túrikmenstanda ahalteke jylqysynyń Ulttyq meıramyn atap ótti dep habarlaıdy Qamshy.kz aqparat agenttigi TDH saıtyna silteme jasap.
Atalmysh meıramda Ashhabad qalasyndaǵy ortalyq ıpodromda kórme, konsert, sırk, sporttyq jarystar men báıge uıymdastyryldy.
Ahalteke kúnin atap ótýge el prezıdentiniń ózi qatysty. Gýrbangýly Berdimuhamedov óziniń Rovach atty súıikti ságúligimen serýendegen. Esterińizde bolsa, birshama ýaqyt buryn bul dúldúlge arnap óleń de jazylǵan edi.
Baǵdarlamalardyń eń shýlysy memleket basshysynyń óz nemeresi Kerımgýlymen birge sahnaǵa shyǵýy boldy. Dýet Rovach týraly ándi naqyshyna keltire oryndady. Ánin Kerımgýly jazǵan týyndyda prezıdent rep oqydy.
Usynǵan: Ádilet Mádenıet
