BUU tamaq ónerkásibindegi ysyrapshylyqqa qarsy jahandyq kampanıany iske qosty, dep habarlaıdy Qamshy.kz aqparat agenttigi BUU saıtyna silteme jasap.
Álemde jyl saıyn 1,3 mlrd tonna azyq-túlik qoqysqa tastalady eken. BUU-nyń qorshaǵan ortany qorǵaý uıymy azyq-túlikti saqtaý jaǵdaıyn ózgertý sıaqty qarapaıym sharalar arqyly tastalynatyn qoqys kólemin qysqartýdy qolǵa almaq.
Búkilálemdik tamaq ónerkisibi baǵdarlamasynyń dereginshe, planetadaǵy azyq-túliktiń úshten biri jýyndy jáshigine tastalatyn kórinedi. Osynyń saldarynan álem ekonomıkasy jylyna trıllıon dollar joǵaltady.
Búkilálemdik tamaq ónerkisibi baǵdarlamasynyń qyzmetkerleri restorandar men dúken ıeleri jáne qatardaǵy azamattarǵa azyq-túlikke qunttap qaraýǵa, artyq tamaqty almaýǵa jáne saqtaýǵa bolatyn taǵamdy qoqysqa tastaýǵa asyqpaýǵa shaqyrýda.
Álemde jylyna 4 mlrd tonna azyq-túlik óndiriledi. Eger ornymen jumsalatyn bolsa, bul planetanyń kúlli turǵyndaryn asyraýǵa jetedi.
Atalmysh kampanıaǵa tanymal aspazdar tartylyp jatyr. Solardyń arasynda Endrú Sımmern de bar. Ol jýyndy jáshigine tastalyp jatqan azyq-túliktiń kóbin kádege asyrýǵa bolatynyn aıtady. Máselen ol úıde balyqty tolyqtaı paıdalanady eken.
"Men balyqtyń súıekteri men basyn sorpa jasaýǵa qoldanamyn. Tipti qabyǵyn qýyryp, dámdi shyjyq jasaýǵa bolady" deıdi ol.
Pikir qaldyrý