Almaty ákimi B. Saǵyntaev qalalyqtardy «qadamdyq jaqyndyqta» áleýmettik qyzmettermen qamtamasyz etý úshin medısına sapasyn arttyrý jóninde qandaı sharalardyń júzege asatyny týraly aıtty.

Qala medısına salasyndaǵy naqtyly isti anyqtaý úshin barlyq medısınalyq mekemelerge aýdıt júrgizildi. Emhanalar men aýrýhanalardaǵy 30 myńnan astam jabdyqtardyń 10 myń tehnıkalyq birligi moraldyq jáne fızıkalyq jaǵynan tozǵan.

«Osyǵan oraı, árbir medısına uıymdary jáne aýdandar boıynsha jabdyqtardy modernızasıalaýdyń úsh jyldyq jospary ázirlendi. Medısınalyq jabdyqtardy satyp alýǵa 60 mlrd. teńgeden astam qarjy jumsaý josparlanýda. 2020 jyldyń ózinde 20 mlrd. teńgeniń jabdyqtary alynatyn bolady», – dedi qala ákimi Baqytjan Saǵyntaev.

Budan ózge «qadamdyq jaqyndyq» qaǵıdasy boıynsha taıaýdaǵy úsh jyl ishinde jańa yqshamaýdandar men qalaǵa qosylǵan aýmaqtarda 35 dárigerlik ambýlatorıalar ashylady. Olardyń jeteýi qazirdiń ózinde jumys isteýde. Jyl aıaǵyna deıin taǵy úsheýi ashylady.

Alataý aýdanynda qarashada Jedel medısınalyq kómek qyzmetiniń jańa qosalqy stansasy ashyldy, osynyń arqasynda Áýezov jáne Alataý aýdandarynyń syrqattaryna dárigerlik brıgadalardyń barý ýaqyty 25 mınýttan 11-13 mınýtqa deıin qysqardy.