Qala ákimi B.Saǵyntaev OKQ ótken brıfıńte qalany damytý úshin ınvestısıa tartýdyń sharalary týraly málimdedi. Almaty eldegi bıznes júrgizý úshin eń qolaıly aımaq bolyp tabylady.

Doingbusiness qosalqy ulttyq reıtıńiniń nátıjeleri boıynsha el aımaqtary arasynda Almaty birinshi orynǵa ıe boldy.

«Taǵy bir eskeretin jáıt – osy jyldyń qyrkúıek aıynda Fitch agenttigi bizdiń qalaǵa Qazaqstannyń egemen reıtıńi deńgeıinde «VVV» nesıelik reıtıńin berdi. Ol ınvestısıa úshin táýekelderdiń tómen deńgeıin bildiredi jáne qala úshin uzaq merzimdi qarjylandyrýdy tartýǵa múmkindik beredi», – dep atap ótti qala ákimi Baqytjan Saǵyntaev.

İri zákirli ınvestorlardy tartý úshin onyń qurylymynda AlmatyInvest qura otyryp, «Almaty» ÁKK qyzmeti qaıta quryldy. Búgingi kúni quny 7,5 mlrd. dollar bolatyn 58 ınvestısıalyq joba jumys isteýde.

«Bizge álemdik ınvestısıalyq radar kartasyna kirý qajet. Jaqynda Almatyda ótken ınvestısıalyq forým ınvestorlardyń bizdiń megapolıske jáne onyń damý josparlaryna degen úlken qyzyǵýshylyǵyn kórsetti. Biz osy baǵytta belsendi jumys isteımiz», – dep atap ótti qala ákimi B. Saǵyntaev.

Esterińizge sala keteıik, 27 qarashada Almaty Investment Forum 2019-ǵa 700-den astam isker top ókilderi tirkeldi, onyń ishinde 142-i sheteldik, 126-i Qazaqstandaǵy halyqaralyq kompanıa ókilderi. Forým qorytyndysy boıynsha memlekettik organdar men bıznes-qaýymdastyqtar arasynda 2,3 mlrd dollar somaǵa yntymaqtastyq pen ózara túsinistik týraly 30-dan astam memorandýmǵa qol qoıyldy.