Búgin – Múgedekterdiń halyqaralyq kúni. Osy ataýly kúnge oraı, Almaty qalasy Áleýmettik ál-aýqat basqarmasy men mesenat Sáýle Naýryzbaeva jáne Astorıa meıramhanasynyń ákimshiligi birlesip qaıyrymdylyq aksıasyn uıymdastyrdy. Oǵan 175 múmkindigi shekteýli bala shaqyryldy.

Merekelik sharaǵa uıytqy bolǵandardyń biri Sáýle Naýryzbaeva balalar men olardyń ata-analaryna osy kúndi birge atap ótýǵa atsalysyp jatqandaryna alǵysyn aıtty.

– Aldymen búgingi sharaǵa kelip, bizdi qoldaǵandaryńyz úshin alǵysymyzdy bildirgimiz keledi. Qaıyrymdylyq aksıasyna kelgen ár balanyń júzindegi kúlkini kórip biz de qýanyp turmyz. Saltanat saraıynyń shańyraǵyna eń ádemi, eń úzdik, eń aqyldy, rýhy kúshti balalar jınalypty. Bizdiń ortaq muratymyz – búldirshinderimizdiń deniniń saýlyǵy. Sondyqtan balalarymyzdyń arbamen emes, óz aıaǵymen júrip-turǵanyn qalaımyz. Búgin mereke. Osynda jınalǵan 175 bala úshin ǵana emes, ata-analar úshin de mereke. Osy merekemen barshańyzdy quttyqtaımyz. Bul qaıyrymdylyq aksıasy uıymdastyrylyp otyrǵan alǵashqy ári sońǵy shara emes. Alda da kóptegen ıgi istermen balalarymyzdy qýantýǵa tyrysamyz, – dep lebiz bildirdi.

Shara barysynda qazaq estradasynyń ókili Aıjan Nurmaǵambetova án aıtyp, "Estý qabileti nashar balalarǵa arnalǵan №1 arnaıy mektep-ınternattyń oqýshylary men múmkindigi shekteýli ózge de balalar ónerlerin kórsetip, anımasıalyq shoý usynyldy.