Qazaqstanda bir jyldyń ishinde makaron ónimderiniń baǵasy 11 paıyzǵa qymbattady. Al óndiris kórsetkishi 13 paıyzǵa tómendedi. Bul týraly Energyprom.kz saıty habarlady. 

Makaron arasynda kespe 12,4 paıyzǵa, spagettı 11,5 paıyzǵa jáne vermıshel 10,9 paıyzǵa qymbattaǵan. Qyrkúıekte bazarlar men dúkenderde kespeniń bir kelisi 782 teńge, vermıshel 374 teńge, tútik kespe 361 teńge bolatyn. 

Makaron ónimderiniń qymbatshylyǵy ásirese Atyraý (22 paıyz), Qyzylorda (18,4 paıyz) jáne Qaraǵandy (17,5 paıyz) oblysynda baıqalǵan. 

Tamyz aıynda elde makaron, kespe, kýskýs jáne ózge de osyǵan uqsas un ónimderi 100,8 myń tonna óndirilgen. Bul byltyrǵyǵa qaraǵanda 13,3 paıyzǵa tómen. 

Ónim óndirý jaǵynan óńirler arasynda Shymkent (17,8 myń tonna), Nur-Sultan (16,7 myń tonna) jáne Batys Qazaqstan oblysy (15,1 myń tonna) kósh bastap tur.

2021 jyldyń qańtar-shilde qorytyndysy boıynsha otandyq kompanıalar makarondy 82,3 paıyz óndirgen. Import úlesi – 17,7 paıyz. Elge 18,9 myń tonna makaron ákelindi.