Aýǵanstan astanasy Kabýlda 3 qazanda kúndiz Idgah meshitiniń kireberisinde úlken jarylys boldy, dep habarlady RIA Novostı.
"Talıban" uıymy ishki ister mınıstrliginiń málimetinshe, jarylystan 12 adam qaza bolyp, 32 adam jaraqat alǵan.
Jarylys kezinde meshitte osydan birneshe kún buryn qaıtys bolǵan Aýǵanstan ýaqytsha úkimeti Mádenıet jáne aqparat mınıstriniń orynbasary Zabıýlla Mýjahıdtiń anasyna duǵa jasalyp jatqan.
"Idgah meshitiniń kireberisindegi jarylys saldarynan birneshe beıbit turǵyn qaıtys boldy" dep jazdy "Talıban" ókili.
Jergilikti BAQ-tyń habarlaýynsha, "Talıban" qaýipsizdik qyzmetkerleri shabýylǵa daıyndalyp, kúdikti 3 adamdy ustaǵan.
Pikir qaldyrý