"Save The Children" uıymynyń málimetinshe, Reseıdiń Ýkraınaǵa basqynshylyq soǵysy bastalǵannan beri Ýkraınadan bas saýǵalap qashqan eki mıllıon adamnyń arasynda shamamen 800 myń bala bar.

Agenttik olardyń kópshiligi ata-anasyz ekenin eskertti.

"Ata-analar balalaryn qorǵaý úshin eń úmitsiz, júrekti aýyrtatyn sharalarǵa júginedi. Ýkraınadan tys jerden qaýipsizdik izdeý úshin balalaryn kórshilerimen, dostarymen birge jiberip jatyr, ózderi úılerin qorǵaý úshin úıde bolady" deıdi úkimettik emes uıym ókili Irına Sagoıan.

BBC keshe Zaporojedegi úıinen óz betimen ketken 11 jastaǵy Hasan týraly habarlaǵan. Hasan eki kishkentaı sómkesin, tólqujatyn jáne týystarynyń telefon nómirin jazyp alyp, poıyzben 1200 shaqyrym jol júrip, Slovakıaǵa aman-esen jetken. Onyń anasy ájesin tastap kete almaǵandyqtan úıinde qalǵan.