"Reseı prezıdenti Vladımır Pýtın Ýkraına astanasy Kıevti eki kún ishinde basyp alýdy josparlaǵan" dep habarlady AQSH Ortalyq barlaý basqarmasynyń basshysy Ýılám Berns.

Seısenbi kúni Kongres tyńdaýynda sóılegen Berns "meniń oıymsha, Pýtın qazir ashýly ári kóńilsiz" dedi.

Onyń pikirinshe, Pýtın Ýkraınanyń jaýyngerlik qabileti men jahandyq reaksıasyn baǵalamaǵan.

Búginde soǵys 13-kúnge jalǵasyp, reseılik kúshter Kıev syrtynda toqtap qaldy.

Reseı kúshteri eldiń ońtústiginde aıtarlyqtaı ilgerileýshilikke qol jetkizgenimen, Ýkraınanyń basqa aımaqtarynda bir orynla tur.

Tutqynǵa alynǵan reseılik sarbazdar azyq-túliktiń, janarmaıdyń jáne jalpy soǵys josparynyń joqtyǵyna shaǵymdanady.

AQSH barlaý qoǵamdastyǵy Reseı osy soǵysta 2 myńnan 4 myńǵa deıin sarbazynan aırylǵanyn habarlap otyr.