Ýkraına prezıdenti Vladımır Zelenskıı Jańa jylǵa arnalǵan úndeýinde Reseımen soǵysty toqtatýǵa baǵyttalǵan beıbit kelisimniń 90%-y daıyn ekenin málimdedi. Onyń aıtýynsha, qalǵan 10% Ýkraına men Eýropanyń bolashaǵyn aıqyndaıdy.

Zelenskıı Ýkraına «kez kelgen shartpen emes, ádil beıbitshilikke» umtylatynyn aıtyp, Donbass aımaǵynan bas tartý eldiń joıylýyna ákeletinin eskertti. Qazir Reseı Donesk oblysynyń shamamen 75%-yn, Lýgansk oblysynyń 99%-yn baqylaýda ustap otyr.

Al Reseı tarapy Ýkraına Pýtınniń jeke rezıdensıasyna dronmen shabýyl jasady dep aıyptady. Kıev bul málimdemeni joqqa shyǵardy, al EO ókilderi ony beıbit kelissózderdi buzý úshin jasalǵan arandatý dep baǵalady.

Eýropa elderi 6 qańtarda Parıjde jınalyp, Ýkraınaǵa qaýipsizdik kepildikterin talqylamaq. AQSH ta uzaq merzimdi qaýipsizdik kepildikterin usynǵanyn habarlady, alaıda kelisimniń iske asý merzimi áli belgisiz.