Ilon Mask 2025 jyly adam tárizdi robottardy (humanoid robots) Tesla bolashaǵynyń negizgi tiregine aınaldyrdy. Onyń aıtýynsha, mundaı robottar kompanıa qunyn ondaǵan trıllıon dollarǵa deıin jetkizýi múmkin. Alaıda Tesla-nyń Optimus roboty áli satylymǵa shyqqan joq.

Al osy arada Qytaı adam tárizdi robottardy jappaı óndirýde AQSH-tan ozyp ketýi múmkin.

 Qytaı nege alda?

Sarapshylardyń aıtýynsha, Qytaı adam tárizdi robottardy komersıalandyrý kezeńinde AQSH-tan alda tur.

• Qytaı úkimeti robototehnıkany strategıalyq basymdyq dep jarıalady

• 15-besjyldyq josparǵa «denesi bar jasandy ıntellekt» (robottar, avtonomdy kólikter) engizildi

• Negizgi maqsattar:

  • Jumys kúshiniń azaıý máselesin sheshý

  • Qarttardyń máselesin sheshý

  • AQSH-pen tehnologıalyq básekede ústem bolý

Qytaıdyń basty robot kompanıalary

Qazir Qytaıda 150-den astam adam tárizdi robot jasaıtyn kompanıa bar. İrileri:

• Unitree – bıleı alatyn H2 gýmanoıdyn kórsetti

• UBTech – 24 saǵat úzdiksiz jumys isteıtin Walker S2

  • 2026 jyly → 5 000 robot,

  • 2027 jyly → 10 000 robot shyǵarýdy josparlap otyr

• AgiBot – 5 000-shy roboty konveıerden shyqty

• Xpeng – “Iron” atty gýmanoıdyn ıaǵnı adam tárizdi robottaryn jappaı óndirýge daıyn

Sarapshylardyń boljamy boıynsha, 2050 jylǵa qaraı gýmanoıd robottar naryǵy 9 trıllıon dollarǵa jetýi múmkin, onyń 60%-dan astamy Qytaıǵa tıesili bolady.

AQSH-tyń artyqshylyǵy nede?

AQSH ázirge:

• Jasandy ıntellekt

• Algorıtmder

• Avtonomdy basqarý salasynda myqty

Amerıkalyq kompanıalar robottyń barlyq bólshegin (baǵdarlama, qozǵaltqysh, chıp) bir júıede baqylaýǵa tyrysady. Bul qaýipsizdik pen ıntellektýaldyq menshik úshin mańyzdy.

Qıyndyqtar men qaýipter

Qytaı robototehnıkasynda da táýekel bar:

• Nvidia sıaqty amerıkalyq chıpterge táýeldilik

• Robot qoly men saýsaqtarynyń adamdaı dál qımyldaı almaýy

• Qazirgi gýmanoıdtyń baǵasy:

  • 150 000 – 500 000 dollar

  • Al naryqta keń taraý úshin baǵasy keminde budan on esedeı tómen  bolýy kerek

Sonymen qatar, Qytaı bıligi ınvestısıalyq “kópirshik” (bubble) qaýpi baryn resmı túrde eskertti.

Jalpy saraptama

• Qysqa merzimde → Qytaı alda

• Uzaq merzimde → Qytaı men AQSH teńesýi múmkin

• Naǵyz jappaı qoldaný → 2040 jyldan keıin

Sarapshylardyń aıtýynsha, búgingi ádemi demonstrasıalyq vıdeolar shynaıy óndiristik múmkindikterden áli de alda, sondyqtan naryqta túzetý bolýy yqtımal.