Сириядағы қарулы қақтығыстарға қатысып жатқан қазақстандықтарды «дұрыс жолға салып», елдегі азаматтарды «адасудан сақтандыру үшін» дайындалған «Шырмауық» атты қойылымның авторлары спектакльді әзірлеу барысында діни кеңесшілердің көмегіне де жүгінген. Қойылым режиссері Шығыс Қазақстан облыстық Жамбыл атындағы қазақ драма театрының көркемдік жетекшісі Сахан Әкелеев бұл ешкімнің тапсырысы еместігін, таза тәрбиелік мақсаттағы қойылым екенін айтады.
Сахналық қойылым осы уақытқа дейін Қазақстанның бірнеше облыстарының театрларында сахналанған.
