Жезқазған қаласындағы жылу-электр орталығында өрт шықты, - деп хабарлайды «Қамшы» порталы.
Орталықтағы өртті куәгерлер видеоға түсіріп, әлеуметтік желілерде жариялауда. Өрт бүгін түс кезінде болған.
Жезқазған қаласының Төтенше жағдайлар басқармасы өрттің болғанын растады. Олардың айтуынша, өрт ЖЭО-дағы трансформаторлардың бірінен тұтанған. Қазір өрт сөндірушілер тілсіз жауды ауыздықтаған. Зардап шеккендер жоқ.
