Алматыда тарих мұражайы ашылады, - деп жазады Qamshy.kz. Бұл турады қала әкімі Бауыржан Байбек мәлімдеді.
«Биыл біз Алматының 1000 жылдығын атап өтудеміз. Бұл оқиға ЮНЕСКО-ның 2016 жылға арналған Дүниежүзілік атаулы күндер күнтізбесіне енгізілген. Біз Алматы қаласынан ашылатын тарихи мұражайға ғимарат та таңдап қойдық. Сонымен қатар, дәстүрлі мәдениет және өнер орталығы ашылмақ. Сондай-ақ, осы жылы Универсиаданың үш бірдей объектісі ашылатын болады», - деді Бауыржан Байбек.
Әкім сондай-ақ Алматының 1000 жылдығына орай тарихи-мәдени құндылықтарды бекіту керектігін атап өтті.
1000 жылдықты атап өту аясында жоспарланған 70-ке жуық жоба бар.
