Қазірге  дейін ұйымға бірігуге тілектес ғалымдар, барлық өнерпаз тұлғалар мен мемлекеттік,қоғамдық қайраткерлер, журналистер әр өңірде ортақ жобаны Наурыз-фест (тоғызкүндік фестиваль) ұйымдастыруда. Ақтөбелік РИКА телеарнасы қолға алғанын Жаңагүл Жүрсін жеткізді. Құтпарақ безендіру бойынша белгілі астаналық суретші Аңса Мұстафа мен алматылық дизайнер Светлана Попова (Вета) қазақы бояуға толы, мазмұнға бай туындыларын жариялап жүр. Ал, Әкімшілік тобындағы Берік Уәлидің септігімен, ОҚО екібастан облыс әкімі А.Мырзахметовтың қолдауымен биыл да кірісіп кетті. ШҚО жетіүндік наурызды қолға алды деп естідік. Мемлекеттік ұйымдар тобындағы компаниялар, ЖОО, мектептер, колледждер, лицейлер, балабақшаларға тиісті сценарийлер сұраныс бойынша таратылуда. Сценарий сұраушылар ішінде ҚР БҒМ  Ғылым комитеті де бар. Әзірге Бизнес-құрылым тарапынан мынадай екі бағыттың бірі де қозғалған жоқ. Наурызды мерекелеуге қатысты атрибуттарды әзірлеуге, насихаттауға қажетті шығындарға демеушілік көрсету,  Наурыз мейрамына қатысты сұраныс тудыратын коммерциялық өнімдер мен жобаларды атқаруға инвестор болу жағынан  азаматтарымыз әлі  үнсіз.