Радиожүргізуші Кристиан О'Коннелл Геннадий Головкиннен бокс әлеміндегі сүйікті спортшыларының кім екенін сұрады, - деп хабарлады Sports.kz.

«Егер үш сүйікті боксшыны таңдау керек болса, онда бұл Шугар Рэй Робинсон, Майк Тайсон және үлкен Хулио Сесар Чавес», - деп жазды GGG өзінің твиттерінде.

Робинсон - жартылай орта (1946-1950) және орта (1951, 1951-1952, 1955-1957, 1957 және 1958-1960) салмақтарындағы әлем чемпионы.

Тайсон кәсіби боксшылар арасында ауыр салмақ дәрежесіндегі абсолютты әлем чемпионы (1987-1990). Сондай-ақ ол WBC (1986-1990, 1996), WBA (1987-1990, 1996) және IBF (1987-1990) нұсқалары бойынша әлем чемпионы атанды.  

Чавес - 2-ші жартылай жеңіл (1984-1987 WBC нұсқасы), жеңіл (1987-1988 WBC нұсқасы, 1988 WBA нұсқасы) және 1-ші жартылай орта (1989-1994, 1994-1996 WBC нұсқасы; 1990-1991 IBF нұсқасы) салмақ дәрежесіндегі әлем чемпионы.