ҚАЗАНЫҢ ҚАЙЫРЫН БЕРСІН!

    Darkhan Muqantegi
    ҚАЗАНЫҢ ҚАЙЫРЫН БЕРСІН!

    22 маусым күні Алматыдағы №4 аурухананың Жан сақтау бөлімінде елге танымал журналист Қажымұқан Ғабдолланың жары Қымбат он күн бойы есін жимаған күйі мәңгілік сапарға аттанып кетті...

    Қажеке!

    Көңіл айтам, бауырым-ай,

    Қаралы хабарыңның ауырын-ай!

    Қайтейін,

    Көңіл жүйрік,

    Қолым қысқа,

    Атымның бере алмадым, сауырын-ай.

     

    «Ұлтым!» – деп,

    Шырылдаған боздағым-ай,

    Қайғыңды естіп қалып,

    Боздадым-ай!

    Ел-жұртын күңірентіп қу фәниден,

    Қымбаттай жан-жарыңның озғанын-ай!

     

    Бауырым –

    Қазағымның Азаматы,

    Ешқашан естілмеген жаманаты.

    Ұлтыңды қорғасын деп Жаратқанның,

    Жүктеген мойыныңа аманаты.

     

    Қайғыңа ортақтаспын,

    Азаматым,

    Құдайдың көрмейсің бе,

    Ғаламатын –

    Қазаның, берсін артын, қайырының,

    Тілеуім –

    Бермесе енді жаманатын.

     

    Өмір барда –

    Өлім бар,

    Өмір заңы,

    Жәннатта, болсын жаны, жан-жарыңның!

    Артында қалған екен бүлдіршіндер,

    Ғұмыры ұзақ болсын, сол барыңның!

    Қуаныш МҰҚТАЙ

    23.06.16 жыл

    Көкшетау

    Қатысты Мақалалар