Ар отына күйе білген - тозақ отына шай қайнатады

    Nurgali Nurtay
    Ар отына күйе білген - тозақ отына шай қайнатады

    «Қамшы» порталы жазушы Тыныштықбек Әбдікәкімұлының өз жанынан шығарған  «мәтел мен мақалдарын» оқырман назарына ұсынады. Жазушы кесімді сөздерін өзінің facebook-тегі парақшасында үзік-үзік жариялады.

    Сақалыңа қасиет бітпейді, санаңа бітеді. 
    Сақал - теке тұрмақ, ешкіде де бар.

    ***

    Түзудің көлеңкесін түсетін жері қисайтар.
    Түзудің сөзін түсінбейтін елі қисайтар.

    ***

    Ақылы мұзданған - аяз күрсінеді.

    ***

    Жылай алмай жүрсең, еліңді ойла.

    ***

    Ақымақ аяқ тәж кисем деп те армандайды.

    ***

    Тас сорпасы мүк татыр.

    ***

    Өзіңді құтқарар қайыққа, тіліңді де ескек етерсің.

    ***

    Ар отына күйе білген - тозақ отына шай қайнатады.

    ***

    Қызды тыйма, сайтанын тый.

    ***

    Зарыққан түнек жарық туады.

    ***

    Сайтаныңа ие бола алмасаң, ол саған қожа болады.

    ***

    Аспан жолын қайтқанда көресің.

    ***

    Құдай иелігінде меншік жоқ.

    ***

    Сөз - кісі де өлтіреді.
    Өліге дем де салады.

    ***

    Мыйды таныған - Күнді таниды.

    Қатысты Мақалалар