Алматыдағы Алатау аудандық Халыққа қызмет көрсету орталығында 50 жастағы ер адам қайтыс болды деп хабарлайды tengrinews.kz. Бұл туралы орталыққа барған куәгерлер хабарлады.
Оқиға бүгін, таңғы 10.00 шамасында болған.
Куәгерлердің бірінің айтуынша, 50 жастағы ер адам уақытша тіркеу бойынша кезекте тұрған. Бір сәтте ол құлап түскен. Алдын ала мәлімет бойынша, оның жүрегі сыр берген.
Оқиға орнына жедел жәрдем келді. Оқиғаның мән-жайы анықталып жатыр.
Еске салайық, осыған дейін де мұндай жағдай Алматы облысында ХҚКО-сында болған. Боралдай ауылынан таңғы уақытта ХҚКО-ға келген 59 жастағы ер адам III топтағы мүгедек мекемеден шығып, көлігіне отырған кезде жүрегі тоқтап қалған.
