Қазақтың соңғы ханы Кенесары Қасымұлы жайлы жазылған құжаттың түснұсқасы табылды. Қолжазбаның авторы өзге емес, Кене ханның өз ұлы - Ахмет Кенесарин. Бұл құжат Мәскеудегі мемлекеттік тарих мұражайының қорында 105 жыл бойы сақталып келгенімен, күні бүгінге дейін ол туралы ешкім білмеген, деп хабарлайды Қазақстан ұлттық арнасы.
Ресейлік түркітанушы Илья Зайцев қолжазбаны 2004 жылы тапқанымен, енді ғана кітап етіп жариялап отыр. Еңбектің таныстырылымы Ресей астанасында өтті.
