Академик Асқар Жұмаділдаев жастарға үлгі боларлық қаһарманның атын атады деп хабарлайды Qamshy.kz.

Жұмаділдаевтің айтуынша бүгінгі күні жастарға үлгі тұтуға лайық қаһарманның есімі – Әділет Имабаеков.

Хабар арнасындағы «бетпе-бет» хабарында қонақта болған физика-математика ғылымдарының докторы Асқар Жұмаділдаев: «Мені мойындатқандар бар, атын атайын. Әділет Имабеков, бұл есімді сақтап қой.

Бұл жігіт 30 жасында қайтыс болып кетті. Мәскеуде физмат мектебін бітірді.  Ресейдің физикадан олимпиада командасының капитаны болды. Физтехте оқыды, сосын Гарвардқа барды. Сонда студент болып жүргенде жазған ғылыми еңбегі АҚШ Президенті мен Лев Ландаудың сыйлығын алды. Ландау атындағы теориялық физика институтының Ландау сыйлығын иеленді. АҚШ президенті сыйлығын алған бір қазақты білесіз бе? Басқа жоқ. Ол жігіт Гарвардт университетінде РһD докторлығын қорғаған тұңғыш қазақ.

Балалардың ішінде менің кішкене қарнымды аштыратын нәрсе «балаларға кім қаһарман?» Оларға ұры, бандит, әнші қаһарман. Неге бір ғалым қаһарман болмайды, неге бір физик, неге Билл Гейтс қаһарман болмайды?», - деді сұхбаттасушыға.

Академиктің айтуынша Әділет Имабековтің еңбектері басылған, Гарвардта оның атынан конференция жүргізілген. Оның есімі балаларға үлгі болуға тиіс. 

Осы хабарды көрген Қамшы тілшісі Имабековтің өмір жолы туралы ізденіп көрді. Әділет туралы Қазақ тілінде мардымды ақпарат болмағанымен ағылшын тілінде біраз дерек бар.

Әділет Имабековтің еңбектерімен мына сілтемеден таныса аласыз.

Ал, әуесқой альпинист Әділет туралы естелік суреттер мына жерде.