Басты мақсат екі ел арасындағы мәдениет, білім және ғылым салаларындағы ынтымақтастықты тереңдете түсу болып отыр. Қазақстан менТүркия қатынастарының даму қарқыны екі мемлекеттің ынтымақтастық-стратегиялық сипатын көрсетеді. Бауырлас елдердің қарым-қатынасы 20 жыл ішінде толағай табыстарға жетіп, саяси-экономикада да жаңаша белес алып отыр. Нұрсұлтан Назарбаев Абдулла Гүлмен «Жаңа Синергия» бірлескен экономикалық бағдарламасына кеңінен тоқталмақ. Іс-сапар барысында қазіргі заманғы талаптарға және жаһандық экономикалық инвестициялық іскерлік байланыстарға аса мән берілу көзделіп отыр. Сондықтан бағдарламаға сәйкес 2015 жылға дейін екі ел арасындағы сауда айналымды 10 миллиард АҚШ долларына жеткізу күн тәртібінде тұрған мәселе. [video w="495"]http://www.youtube.com/watch?feature=player_embedded&v=AxzB5fmR9i4[/video] Мехмет АРСЛАН, саясаттанушы:                         - Біздің елдер өзара сауда айналымды 10 миллард АҚШ долларына жеткізуді жоспарлап отыр. Менің ойымша, алға қойған мақсаттарды орындауда екі елдің де қауқары жеткілікті. Әлемді дағдарыс билеп тұрған кезде Қазақстан мен Түркия елдерінің экономикасы қарқынды дамуына талай ел қызыға қарайтын болады. Мұнан кейін Елбасы Түркия Премьер-министрі Режеп Ердоғанмен кездесіп, жоғары деңгейдегі стратегиялық-ынтымақтастық кеңесінің бірінші отырысына қатысады. Жиынның екі елге де пайдасы зор екендігін түсінген саясаттанушылар кеңест­­­і бір ауыздан құптап отыр. Хасан КАНБОЛАТ, Таяу және Орта Шығыс зерттеу орталығының директоры: - Стратегиялық-ынтымақтастық кеңесі Қазақстан мен Түркияның әлеуетін арттыруға бірегей мүмкіндік береді. Осы кеңестің арқасында көп мәселелер өз шешімін тауып, бірқатар істердің ілгерілейтіндігіне толықтай сенімдімін. Сондықтан сөзсіз кеңес нәтижелі болатындығы анық. Кеңес қорытындысы бойынша екіжақты құжаттарға қол қойылып, бұқаралық ақпарат құралдарына арнайы брифинг өтеді деген болжам бар. Авторлар: Елдар Бақпаев, Есбол Мұратұлы, Жанұзақ Боранбаев, 24 KZ