Қазақстанның ұлттық қауіпсіздік комитеті ішкі істер органдарымен бірге арнайы операция жүргізіп, Ақтөбе және Оңтүстік Қазақстан облыстарында терроризмді насихаттаған және діни араздық туғызған деген күдікпен 11 адамды ұстады. Бұл туралы комитеттің сайтында хабарланды деп жазады Қамшы ақпараттық агенттігі.
"2017 жылғы 20 сәуірде Ұлттық қауіпсіздік комитеті Оңтүстік Қазақстан және Ақтөбе облыстарында Ішкі істер органдарын тарта отырып арнайы операциялар жүргізді.
Қазақстанда тыйым салынған «ДАИШ» халықаралық террористік ұйымын қолдауға шақырғаны және оларға қатысты материалдарды таратқаны үшін 4 радикалды топтың іс-әрекеті бейтараптандырылды.
Террорризмді насихаттау және діни алауыздық тудыру фактісі бойынша сотқа дейінгі тергеу амалдары шеңберінде 11 адам ұсталды.
Олардың тұрғылықты жерлері бойынша тінту, куәлардан жауап алу және басқа да тергеу амалдары жүргізіліп жатыр.", - делінген ҰҚК сайтындағы мәлімдемеде.
