Түркі жазбалары мен мәдениеті күндеріне арналған халықаралық ғылыми-практикалық конференция өтеді

    Assem Almuhanbet
    Түркі жазбалары мен мәдениеті күндеріне арналған халықаралық ғылыми-практикалық конференция өтеді

    Қазақстан Республикасы Мәдениет және спорт министрлігі                Тілдерді дамыту және қоғамдық-саяси жұмыс комитетінің мемлекеттік тапсырмасы бойынша Ш.Шаяхметов атындағы тілдерді дамытудың республикалық үйлестіру-әдістемелік орталығы және Ахмет Байтұрсынұлы атындағы   Тіл білімі институтының ұйымдастыруымен ағымдағы жылғы 27 сәуірде Алматы қаласында «Түркі жазбалары мен мәдениеті күндері іс-шарасы аясында «Тамыры терең әліпби: жалпытүркілік бірегейліктің мызғымас негізі» атты халықаралық ғылыми-практикалық конференция өткізіледі.

             Халықаралық ғылыми-практикалық конференция ұлттық-рухани тамырдан нәр алған ұлттық жаңғырудың қайнары - түркі жазуының өткені мен бүгінін зерделеуді мақсат етеді. Сонымен қатар отандық және шетелдік  түркітанушы-ғалымдар өзара тәжірибе алмаса отырып, түркі жазба мұраларын зерттеуде соңғы жылдары қол жеткізген ғылыми табыстар баяндалады, түркі жазбаларын зерделеудегі өзекті мәселелерді шешудің  тиімді жолдарын қарастыру көзделеді.

    Халықаралық ғылыми-практикалық конференцияға отандық және шетелдік (АҚШ, Түркия, Орта Азия елдері) түркітанушы-ғалымдар,  қоғамдық және гуманитарлық бағыттағы ғылыми-зерттеу институттарының қызметкерлері, ЖОО-ның оқытушы-профессорлары, жас зерттеушілер, зиялы қауым және БАҚ өкілдері қатысады.

             Іс-шара түркі мәдениеті мен өнеріне арналған мерекелік концертпен аяқталады.

    Алматы қаласы, Қазақстан халқы ассамблеясының Достық үйі,

    Құрманғазы көшесі, 40.

     

    «Ғылым ордасы» РМК-ның үлкен концерттік залы

    Құрманғазы көшесі, 29.

     

    27 сәуір 2017 жыл

    сағат 10.00 – 13.00

         

     

    сағат 18.00 – 20.00

     

     

    Қатысты Мақалалар

    Бәріміз қазақпыз ғой!

    Бәріміз қазақпыз ғой!

    12:57, 06 наурыз 2025