Ауғанстан оңтүстігінде террорист әскерилерге шабуыл жасаған. Қанды оқиға Гильменд провинциясында орын алды деп жазады Qamshy.kz ақпарат агенттігі Росбалт-қа сілтеме беріп.
«Талибан» радикалды қозғалысы террористік тобының содыры әскерилерге автокөлік арқылы жақындаған, содан кейін жарылыс орын алған. Террористік шабуыл нәтижесінде 13 адам көз жұмып, тағы 19-ы зардап шекті.
Айта кетейік, соңғы уақыттары Ауғанстандағы саяси жағдай шиеленісіп тұр. Елдің ауыл-аймақ пен аудандарын жаулап алған содырлар енді ірі қалаларға шабуыл жасауға көшіп жатыр.
