Ахметжан Есімов «Самұрық-Қазына» АҚ басшысы қызметіне тағайындалды, деп хабарлайды Qamshy.kz ақпарат агенттігі ҚР Премьер-министрінің сайтына сілтеме жасай отырып.
Бүгін Елбасы Нұрсұлтан Назарбаевтың бұйрығымен Премьер-министр Бақытжан Сағынтаев пен ҚР Президент Әкімшілігінің басшысы Әділбек Жақсыбеков «Самұрық-Қазына» АҚ-ның жаңа басшысын таныстырды. Бұл қызметке Ахметжан Есімов тағайындалды.
Үкімет басшысы Бақытжан Сағынтаев Ахметжан Есімовтың осы уақытқа дейін атқарған істеріне тоқтала кетіп, өзіндік бағасын берді.
