Әлеуметтік желіге «Əзірет Сұлтан» мешітінде шыршаның бейнесіне ұқсас видео жарияланды деп хабарлайды Qamshy.kz ақпарат агенттігі. Бұл видео "Əзірет Сұлтан" мешітінің кіші залында түсірілгені белгілі болды. Осы видеоға қатысты ҚМДБ баспасөз хатшысы Ағабек Қонарбайұлына хабарластық. 

«Астанадағы "Əзірет Сұлтан" мешітінің кіші залындағы су бұрқақ көрікті көк гүлдермен көмкерілген. Мұны ұзақтау тұстан таспаға түсірген біреулер шырша деп ойлап қалса керек. Мешітке көрік беріп тұрған дүниені шырша деп қабылдап қалған кісілерге айтарымыз: Теріс пікірден аулақ болайық. Мүмкін емес нəрсені мешітпен байланыстыруға жол бермейік, бауырлар! Осы жағдайдан кейін гүл орнынан алынып тасталды. Бізге бəрінен бұрын халықтың дұрыс діни түсінігі қымбат!», деп жауап берді Ағабек Қонарбайұлы.