Қазақстандағы мыңдаған арулардың жүрегін жаулап жүрген белгілі әнші Қайрат Нұртас өзінің жеке отбасы туралы тіс жарып айтпайды.
Ол тіпті өзіне жеке отбасы туралы сауал қойған тілшілерге жауап бермейтіні де белгілі.
Алайда "Жел болмаса, шөптің басы қимылдамайды". Халық арасында Қайраттың отбасы құрғаны және бала сүйіп, әке атанғаны жиі айтылып жүреді.
Бұл сөздердің қаншалықты шынайы екендігі белгісіз, алайда, осыған дәлел ретінде, ғаламторда Қайраттың үйлену тойы мен жеке отбасының суреттері табылды.
"Мой мир" әлеуметтік желісіндегі мына суреттерді жариялаған дереккөздің сөзіне сенсек, Қайраттың жұбайының есімі Жұлдыз.
Суреттегі дата үйлену тойы 2007 жылдың 28-нші тамызында өткенін куәландырады.
Ал мына бүлдіршіндер - Қайраттың қыздары. Есімдері - Сезім және Алау ("Мой мир" әлеуметтік желісіндегі дерек).
