«Ақтау-Бейнеу» автожолындағы жол апатынан 6 өзбек азаматы қаза тапты

/uploads/thumbnail/20171204123658658_small.jpg

«Ақтау-Бейнеу» автожолында қаза болған 7 адамның 6-ауы Өзбекстан азаматтары болып табылады. Бұл туралы Өзбекстан Төтенше жағдайлар министрлігінің ресми сайтында хабарланды, деп жазады Qamshy.kz ақпарат агенттігі. 

Бұған дейін хабарлағанымыздай, 1 наурыз күні «Ақтау-Бейнеу» автожолында «Shacman» маркалы жүк көлігі мен «LADA Largus» соқтығысты. Салдарынан жеңіл көлікте болған 6 жолаушы мен оның жүргізушісі оқиға орнында қаза болды.

«Олардың тұлғалары анықталу үстінде. Алдын ала ақпарат бойынша, ажал құшқандардың барлығы Өзбекстан азаматтары болып табылады», - деп атап  өткен болатын Ақтау облыстық Ішкі істер департаментінен. ҚР Қылмыстық кодексінің 345-бабы бойынша сотқа дейінгі тергеу басталды. Өзбекстан Төтенше жағдайлар министрлігінің ресми сайтында хабарланғандай, мерт болғандардың 6-ауы сол елдің азаматтары болып табылады.

«Өзбекстан Республикасының Қазақстандағы Елшілігінен түскен ақпаратқа сәйкес, 1 наурыз күні сағат 06.00-де Маңғыстау облысы Маңғыстау ауданының Шетпе ауылында, «Ақтау-Бейнеу» күре жолында Ақтау қаласы - Бейнеу ауданы бағыты бойынша бет алған мемлекеттік нөмірі 90 S 830 JA  «LADA Largus» пен мемлекеттік нөмірі  737 DPA/12 «Shacman» жүк көлігі соқтығысты.

Жол апаты салдарынан өрт болып, алдын ала мәлімет бойынша 7 адам қаза болды. Олардың 6-ауы Өзбекстан Республикасының азаматтары болып табылады. Аталмыш факті бойынша тергеу шаралары жүргізілуде. Қаза болғандардың тұлғасы анықталуда», - делінген Елшілік ақпаратында. Көлік оқиғасына орай Өзбекстан ТЖМ-де ((+998 71) 147-10-50) және Қазақстандағы Өзбекстанның дипөкілдігінде (+7 777 218-20-10 и +7 727 291-06-44) шұғыл желілер ашылды.  

Пікір қалдыру

Қатысты Мақалалар