Қазақтың кәсіпқой боксшысы Қанат Ислам алдағы кездесулерге киіп шығатын шапанын таныстырды, деп хабарлайды alaman.kz.

Қара шапанға көк түсті жолақ енгізіліп, оған Қазақстан туының шетіндегі тулар салынған. Арқасына Kanat Islam деген жазу жазылып, көк бөрінің суреті салынған.

Еске сала кетейік, шаршы алаңға шапан киіп шығуды Геннадий Головкин дәстүрге айналдырған болатын.

Қанат Ислам келесі кездесуін наурыз соңында Колумбияда өткізеді. Осыған дейін 1 наурызда Мәскеуде аргентиналық Гуидо Николас Питтомен кездесетіні туралы хабар тараған. Кейін бұл кездесу болмайтыны хабарланған.

Қытайда туған этникалық қазақ Қанат Ислам 2008 жылы Бейжің Олимпиадасына сол елдің атынан қатысып, қола жүлде иеленген.

Ол 2010 жылы Қазақстан азаматтығын алып, "Астана арландары" клубында бокстасып жүрді. Боксшы 2012 жылы Лондон олимпиадасына атажұртының атынан қатысуына байланысты азаматтық-құқықтық дау туған соң кәсіпқой боксқа бет бұрып, АҚШ-қа кеткен.