Бүгін Маңғыстау облысының әкімі Ералы Тоғжанов аппараттық жиында облыстық ішкі саясат басқармасының басшысын тағайындады.

Бұл лауазымға Бұған дейін басқарма басшысының орынбасары қызметін және басшы міндетін уақытша атқарған Исмағұлова Жансая келді.

Жансая Бердімұратқызы Маңғыстау облысы Жаңаөзен қаласында дүниеге келген. Әл-Фараби атындағы Қазақ ұлттық университетінің түлегі.

Еңбек жолын 2009 жылы Ақтау қаласының «Ішкі саясат бөлімі» ММ, бас маманы болып бастаған. 2010-2014 - Ақтау қаласы әкімінің аппараты, ұйымдастыру-бақылау бөлімінің меңгерушісі 2014-2015 - «Маңғыстау облыстық ішкі саясат басқармасы» ММ-сі, саяси партиялармен және үкіметтік емес ұйымдармен жұмыс бөлімінің басшысы 2015 жылдан бастап Маңғыстау облыстық ішкі саясат басқармасы басшысының орынбасары қызметін атқарған.