«Біздің бүгінгі тыныш өмірімізді, табыстарымызды, тұрақты тіршілігімізді көре алмайтын жаулар да жеткілікті. Оны ешқашан естен шығармауымыз керек». ҚР Президенті Қасым-Жомарт Тоқаевтың бұл сөздерін Мемлекет басшысының баспасөз хатшысы Берік Уәли facebook парақшасында жариялады. 

– Бүгінгі әлем тұрақты емес. Жаһандағы ахуал күн сайын өзгеріп жатыр. Өте құбылмалы жағдайда өмір сүріп келеміз. Кезінде қырғи-қабақ соғыс заманы өткен кезде барлық саясаткерлер енді әлемнің келешегі жарқын болады, қой үстіне бозторғай жұмыртқалаған заман келеді, қақтығыстар болмайды деп айтқан болатын. Дегенмен, мұндай болжамдар бұрыс болып шықты. Қазір адамзаттың болашағы бұлыңғыр. Біздің еліміз де дүние жүзінің бір бөлігі, – деп айтты Тоқаев.

Сондай-ақ, ол Қазақстанның өз халқынан басқа ешкімге керегі жоғын, тұрақты тіршілігімізді көре алмайтын жаулардың да жеткілікті екенін атап өтті.