Республикалық Biz Birgemiz онлайн-форумының барысында COVID-19-бен күресте ерекше белсенділік танытқандардың еңбектері аталып өтілді, олардың арасында дәрігерлер, полиция қызметкерлері, волонтерлер мен журналистер бар.

Мемлекет басшысы Қ.Тоқаев республикалық Biz Birgemiz акциясына қатысқан волонтерлардың COVID-19 таралуына қарсы күреске қосқан зор үлестерін атап өтті. Елбасының және жеке өзінің атынан алғысын білдірді.

Алматы әкімі Бақытжан Сағынтаев атап өткендей, төтенше жағдай режимі кезінде барша қазақстандықтардың көмегі айтарлықтай маңызды болды.

– Үнемі қолдау мен көмек беруге дайын тұратын алматылықтар алғашқы күннен-ақ қоғамдық жұмыстарға белсене кірісіп кетті. Олардың әрқайсысының және мыңдаған қала тұрғындарының ортақ іске қосқан үлестеріне баға жетпейді, – деп жазды қала әкімі.

Б. Сағынтаев өзінің сөзінде ТЖ режимі кезінде жүгізілген пәрменді шаралардың коронавирустың жаппай таралуына тосқауыл болғанын қадап айтты. Қала тұрғындарының берілген ұсыныстарды дер кезінде қабылдап, өздерін оқшаулағандары арқасында жағдай түзелді.

– Әрине, қала тұрғындарының табиғат аясында кездесіп, өзара сырласуды, көшелер мен скверлерде серуендеуді сағынып қалғандарын жақсы түсінемін. Өйткені, бұл – өмір. Бірақ көзге көрінбейтін жау – пандемия біздің өмірімізге түзетулер мен өзгерістер енгізуде. Сондықтан мен алматылықтарды санитарлық-эпидемиологиялық қызметтің барлық талаптарын мүлтіксіз орындуға шақырамын. Ол барынша қарапайым, яғни өзімізді, жақындарымызды, достарымызды, әріптестерімізді, тіпті айналамыздағыларды індетті жұқтыру қаупінен сақтайық және барынша абай болайық, – деп жазғанБ. Сағынтаев қала тұрғындарын барынша сақ болуға шақырды.

Індетке қарсы күресте ерекше көзше түскендер «Халық алғысы» медалімен және Елбасының Алғыс хаттарымен марапатталды. Олардың арасында Олимпиада чемпионы, Қазақстанның Еңбек Ері, КСРО-ның еңбек сіңірген спорт шебері Жақсылық Үшкемпіров, Бостандық ауданының ӨҚ МПС бөлімінің бастығы Жандос Тасманов, дәрігер-инфекционист Тамара Утаганова, меценат Михаил Ломтадзе, Өз бетімен өмір сүру үйінің меңгерушісі Өміржан Әбілқасымов, «Қазақстанның медициналық жастары» РҚБ жетекшісі Жәнібек Солтанай, ҚБТУ жанындағы Қазақстан теңіз академиясының студенті Диана Тоқтарқызы, «Алматы ақшамы» газетінің тілшісі Әсел Дағжан бар.