Ұлттық кәсіби әлеуметтік қызметкерлер альянсының атқарушы директоры Динара Есімова азаматтардың сайлау құқығын кеңейту – Қазақстандағы саяси трансформацияның негізгі бағыттарының бірі екенін атап өтті.
«2025 жылғы 1 қаңтардан бастап аудан және облыстық маңызы бар қалалар әкімдерінің сайлауы тек тікелей форматта өткізіледі. Бұл – халықтың жауапкершілігін және қатысу деңгейін арттыруға бағытталған маңызды қадам», — деді ол.
Оның айтуынша, 2025 жылдың 9 айында аудан әкімдерінің 5 сайлауы және қала, кент пен ауылдық округ әкімдерінің 842 сайлауы өткен. Қазіргі уақытта жаңа сайлауларға белсенді дайындық жүріп жатыр.
Сонымен қатар, Есімова Мемлекет басшысы ұсынған бір палаталы Парламентке көшу жөніндегі реформаны талқылаудың маңыздылығын атап өтіп, оның «жалпыұлттық талқылауды және сарапшылар қауымдастығының кеңінен қатысуын қажет ететінін» айтты.
