Алматының жол-патрульдік полициясы қызметкерлері қала әкімдігімен бірлесіп автокөліктерді жол бойына қою ережелерін бұзған жүргізушілерге қызу күрес ашты,-деп хабарлайды «Қамшы» порталы tengrinews.kz-ке сілтеме жасап.
«Тұрақ» жедел алдын-алу шарасы бір ай бойы жалғасады деп күтілуде. Шара басталған жарты күн ішінде полицейлер тұрақ тәртібін бұзған 70 жүргізушіге хаттама толтырып, 23 автокөлікті айып тұрағына жіберген. Жүргізушілердің көбі өз кінәларын мойындағанымен, түрлі сылтау айтып жол полициясы қызметкерлерімен дау туғызғандар да болған.
