Таяуда облыс орталығында көпқабатты тұрғын үй пайдалануға берілді.
Қаладағы Сібір көшесі 87 үй мекен-жайы бойынша орналасқан жаңа үйден 108 отбасы пәтер алып, қуанышқа кенелді. Ал, қуанышқа кенелген бұл тұрғындар Тұрғын үй құрылыс жинақ банкі салымшылары болып табылады. Құрылысы өткен жылдың ортасында басталған тұрғын үй дәл уақытында берілді, үміт ақталды, деп отыр салымшылар. Яғни, «Өңірлерді дамытудың 2020 жылға дейінгі бағдарламасы» аясында «Қазақстанның тұрғын үй құрылыс жинақ банкі» АҚ салымшылары мен жалгерлік тұрғын үйге кезекте тұрған адамдар пәтер алды. Пәтер кілттерін облыс әкімі Қанат Бозымбаев табыстады.
– Өңірде Елбасының қазақ­стандықтардың өмір сапасын арт­тыруға бағытталған саясаты іске асырылуда. Жыл соңына дейін облыс орталығындағы Толстой көшесі 96, Гагарин-Ворушин көшелерінің қиылыстарында орналасқан тағы екі үйді пайдалануға беруді жоспарлап отырмыз. Бұл кезде қаланың 144 тұрғыны жаңа пәтерлерге қол жет­кізеді, – деп атап өтті облыс әкімі.
Қоныс тойын тойлағандардың бірі – Дәуітовтер отбасы. Олар сегіз жыл бойы жалдамалы пәтерде тұрыпты. Бүгін міне, жас отбасы жеке пәтерге ие болды.
– Енді қыздарымыз Әдия мен Айзараның өз бөлмелері бар, – дейді аналары Айгүл.
Банк басқарма төрағасының орын­басары Ербол Қарашөкеевтің ай­ту­ын­ша, пайдалануға берілген бұл үй өңірлерді дамыту бағдар­ла­ма­сы аясында жүзеге асуда. Яғни, «Өңірлерді дамытудың 2020 жыл­­ға дейін­гі бағдарламасы» бойын­ша тұрғын үй құрылысының бірнеше ба­ғыты іске асырылуда. Олар кре­дит­тік тұрғын үй, жергі­лікті атқару­шы органдар арқы­лы кезекте тұр­ған тұрғындарға бері­летін жал­герлік тұрғын үй, жас отба­сыларға арналған жалгерлік үй, ком­мер­циялық тұрғын үй, «ҚИК» АҚ арқылы берілетін тұрғын үй және жеке тұрғын үй құрылысы бо­лып жалғаса береді. Сондықтан Тұр­ғын үй құрылыс жинақ банкінің де қосқан үлесі мол.

Дереккөз: егемен Қазақстан