… Áke-sheshem bar edi,

Jasy jetken kári edi.

Osynaý ándi saldyrǵan,

On altynyń zary edi …

«Samal taý» áninen… …

Qaıyrylyp qaraǵanym jón artyma,

Bolar sosyn sóz sóılesem oń halqyma.

Zarlap aıtqan ándi tyńdap otyr mine,

Jetip balań 2016-ǵa. …

Zarlanǵan zulmat zaman qasyretti,

Sonan beri arada bir ǵasyr ótti.

Sen ańsaǵan zar eńirep babalarym,

Alla bizge táýelsizdikti násip etti.

…Bir bólshegi edi ǵoı baı dalamnyń,

«Samal taý» dep salǵan átteń Qaıran ániń.

On bes kún júrer ombyńmen, jáıir taýym,

Qaldy azýynda aq aıýmen aıdaǵardyń.

Azat el bop ornady qazaqqa qut,

Azattyq úshin qanshama azap tarttyq.

Meniń kári áke-sheshem azat elde,

Júr áli ala almaı azamattyq. …

Óleńniń uly kóshine ergen ulmyn,

İshti órtep keýdedegi shermen muńym.

Saldat emes dárýishteı qańǵyp júrgen,

Nemene aqyn bolyp kórgen kúnim.

… Júregim-dert, kóńil-qaıǵy, jara-janym,

Ne betimdi aıtam saǵan babalarym.

O, sumdyq, shetel asyryp satty bir kez,

Qazaǵymnyń baýyr et balalaryn. …

Ulardaıyn shýlatyp elimizdi,

Osynaý kókoraı shalǵyn kólimizdi.

Balań ne satam deıdi dalamdy da,

Babalardan qalǵan baıtaq jerimizdi.

… Urpaǵyńba?

. . . Barsam eger ol jaǵyna,

Jolyǵarmyn toǵyz qatyn tolǵaǵyna.

Urpaǵyń júr úsh júz jyl buryn aıtqan,

Kezdesip móńke biıdiń boljamyna.

… Solaı, solaı ulyńnyń muń júregi,

Músirkeýmen tóbemde tún kúledi.

Mendegi 16ynyń zary osyndaı,

Júz jyldan soń ne bolaryn kim biledi? ! . . .

… 2016-jyly 16-maýsym

Jurtta qalǵan bir qulyn

(Dáýletkereı Kápulyna)

Dáýren Baqytqajy uly

…aldyma kep qasynyp tur,

Jurtta qalǵan bir qulyn.

Dáýletkereı káp

. . . Ónerden baǵyń janyp basyńyzǵa,

Ornaǵan sáýlet merı,

Bir ózińde bir ermen bir eldiń,

Aty bar dáýletkereı. . .

Batyrsyz qylysh berip qolyńyzǵa,

Aparyp jaýǵa qoıar.

Batyrsyz dombyra berip qolyńyzǵa,

Aparyp daýǵa qoıar...

Elim degen erlerdiń taǵdyrlaryn,

Qudaı nege qatal ettiń.

Senbe deımin ári aqyn, ári batyr,

Tuıaǵy mahambettiń...

Átteń shirkin jeter edim ereýil atqa,

Er salar týsa bir kún.

Dep jurýshy-em bıbaristáı murynyma,

Iisi kep jýsanyńnyń...

Uldar edik týǵan jer eshteńeden,

Bizderdi kem qylmaǵan.

Keldik solaı qıyp bárin ata jurtqa,

Men qytaı, sen Muńǵuldan…

Men júrmin bilmeımin bul dáýrenniń,

Túsiner azabyn kim?

Sen júrsiń arqada aqyny bop,

Arqaly qazaǵymnyń.

Kúı keship júrgendeımin úıirimnen,

Adasqan sekildi men.

Syrtqa teppeı bilmeımin kimderkelip,

Sıparyn kekilimnen...

Tek qana ózim bilem qatal taǵdyr,

Azapty jyr-ǵumyrym.

Aldyńa kelip turǵan men bolam sol,

Jurtta qalǵan bir qulynyń!

2016-jyly, 29-aqpan

Dáýren Baqytqajy uly